Мінскае гарадское аддзяленне Саюза пісьменнікаў Беларусі і Асацыяцыя абароны інтэлектуальнай уласнасці “БелБрэнд” заснавалі літаратурнае кафэ. Адкрыццё яго адбылося ў сталічным выставачным павільёне БелЭКСПА падчас выстаўкі “Мацярынства і дзяцінства”.
У першай імпрэзе літаратурнага кафэ прынялі ўдзел вядомыя паэты Міхась Пазнякоў і Навум Гальпяровіч, члены СПБ, маладыя паэтэсы Людміла Клачко і Ганна Мартынчык, а таксама лаўрэаты ўніверсітэцкага літаратурнага конкурсу “Славянскі калейдаскоп” Кацярына Роўда, Анастасія Трэшчава і Настасся Каротчыкава ды кіраўнік дэпартамента адукацыйных праектаў Асацыяцыі “БелБрэнд” Валянціна Дыніч.
Літаратурнае кафэ будзе працаваць на розных пляцоўках нашай сталіцы, а затым атрымае пастаянную “прапіску” ў адной з устаноў культуры.
Шматлікія наведвальнікі выставачнага павільёна атрымалі магчымасць паслухаць вершы знакамітых і маладых паэтаў, а таксама іх разважанні пра літаратуру і творчае жыццё.
|
Общественное объединение "Союз писателей Беларуси" 220034, г. Минск, ул. Фрунзе, 5 телефон/факс +375 (17) 392-59-03 (приёмная) |
Разработка сайта - веб-студия "Альтграфик"Разработка сайтов на CoolMS.CMS 0.4.175 |