У Круглянскім раённым Палацы культуры адбылася творчая сустрэча малодшых школьнікаў г. Круглага з вядомым пісьменнікам Міхасём Пазняковым. Выдавецтва “Народная асвета”, якое арганізавала гэтае свята, разгарнула кніжную выстаўку. Сярод шматлікіх яе выданняў былі прадстаўлены і дзевятнаццаць кніг гэтага вядомага пісьменніка, якія карыстаюцца вялікім попытам у настаўнікаў, бацькоў і саміх юных чытачоў.
У творчым мерапрыемстве прыняў удзел і вядомы артыст тэатра і кіно, кампазітар і спявак Сяргей Кравец, які выканаў некалькі песень на вершы Міхася Пазнякова. Пісьменнік чытаў вершы, вёў з юнымі вельмі цікавую размову. Правёў віктарыну па сваіх вершаваных загадках, а тым, хто іх разгадаў, уручыў памятныя падарункі. Шматлікія дзеці набывалі кнігі. Чарга за аўтографам засведчыла іх любоў да роднага слова, да твораў паважанага госця.
|
Общественное объединение "Союз писателей Беларуси" 220034, г. Минск, ул. Фрунзе, 5 телефон/факс +375 (17) 392-59-03 (приёмная) |
Разработка сайта - веб-студия "Альтграфик"Разработка сайтов на CoolMS.CMS 0.4.175 |